جديد karim el gang لي القذافي

كلمات-تحية للقائد معمر القذافي-
يا حقارة اقسم بالله نشعلك.. نشعلك فيك النار والله نشعلك
يا ثوار ناتو.. كيف هكا تفكروا؟ أسير جريح مسن كيف هكا تحقرو؟
ياحقار المسلم راجل يكره الحقرة..
مشو جاهل من تاريخ متعلم ومدي العبرة
الدزيري كي دار الثورة ماخممش في الخسارة
ما استعانش بحلف الناتو نتاع اليهود والنصارة
الشعب التونسي الاعزل كي طيح بن علي
خطاك وصل منع مواطن باه يصلي
الشعب المصري أعزل طيح مبارك حسني
خطاك عميل و هو لي ضيع فلسطين
الثورة في افغانستان راو فرق يا انسان
بين ثورة على حرية وثورة على الاسلام
مالا عماه ثرتو؟ يخي مهابل؟
قالولي بالي الجهل كان من أول المشاكل
أه؟ ثورة على الجهل؟ يعني كي عدتي جاهل
عبالك بالي جاهل؟ ودير في ثورة يخي جاهل؟
تستاهل والدليل بالي عقليتك حابسة
هبطتي علامك وبيدك رافع علم فرنسا
حاب تتلونسا حاب لي كاباري ولي بار
درتو العار كي عدتو جبناء كبار
التريسيتي والماء بلاش المازوت قريب بلاش
الغرامة مكانش ..وفي البانكا الرباء مكانش
الطالب لي يتخرج دارلو زعيم شهرية
واليبي ممنوع عليه باه يخدم عند الليبية
عايش مكرم محترم واش تقول؟
كي نقولك كل عام يجيه للدار حقو من البترول
لي قلبو بارد.. محال يحس بالألم
ستندم يا داب يوم لاينفع الندم
جرذ ..مقمل.. بالدارجة انت كافي
كيفماه ماشي في طريق يدعم فيها برنارليفي
يابهيم.. برنارليفي يعني صهيوني
يعني هوا لي يقتل في خوك الفلسطيني
عدو صديقي افهم هو عدوي
ياحمار حل عينك شوف شويا وضوي
كي دارو الكاريكاتير وسبو رسولك-ص-
غير القدافي سحب السفير تاعو من الدنمارك
ونهار بوش عدم صدام في بغداد
غير القدافي وقف و أعلن الحداد
و في وقت ساركو مجد الاستعمار الفرنسي
القدافي جاب من ايطاليا اعتذار رسمي
القدافي شيكور شكون قال طز في امريكا؟
بلا أمك راو يبقى زعيم زعماء افريقيا
كرهوه خطراك نهار حكم الجمهوريه
طرد كل القواعد العسكرية الامريكية
بكل عفوية يهدر مسكين بقلب صافي
ما يختلفوش 2 على شجاعت القدافي
8 شهر وهو يدعو للتفاوض
كان قادر يقتلهم كامل بصح قلبو ابيض
هوما لي شبعوه هوما لي حبو الفوضى
قتلو خاوتهم باه اسرائيل تحصد الفايدة
يخي هجموا على مخازن السلاح كيما الهمج
وطاحو على الدخيرة سربي سربي خرج خرج
ياو مشو منطق باه الحكومة تبقى تتفرج
و كان صرات في المريكان قولي أوباما ما يهدرش
ومن الاسباب الاخرى لي خلات الماريكان
تطمع في ليبيا هي لا كريز مونديال
من جهة باه تدير اتفاقيات كبار
على البترول التسليح و اعادة الاعمار
ومن جهة أخرى باه تضر المنافسين
القوى اقتصادية كيما روسيا والصين
والدليل كي تشوف الصين عندها شركات
في ليبيا خسرت مليارات الدولارات
ونرجعو للثوار لي دارهم الناتو حمار
مافهمين والو قاعدين يحاربو مع الكفار
ياو مسلم يقتل مسلم في الشريعة حرام
وينعل أبو الحرية لي تجي على حساب الاسلام
والاعلام تاع الخنزيرة راو دمار
بالمازوت قاعدين يطفيو فالنار
غير الاخبار من جهة واحدة.. مافهمناش
أمير قطر قتل باباه.. وعلاه ما هدروهاش
مثال صغير عالتأثير شوف وين راحو
نهار كي قالوا بلي سيف الاسلام سلم روحو
حبو يطيحو من قيمتو للمشاهدين
باه يطيحو من عزيمة المجاهدين
أثرو في الناس عادت الديمقراطية
تجي قبل الاسلام أو تصبح ديكتاتورية
و كي عاد معمر ديكتاتور مالا هتلر خاطي؟
ستالين وحدو قاتل عشرين مليون سوفياتي
عادي عادو يلعبولنا بالعقول
ياخي ضحكنا على القدافي في الأول قلنا مهبول
كي قال هادوم ارهاب حابين غير البترول
و في الأخير صح صدق في كل واش كان يقول
كي عاد الوحيد لي قاعد ينادي بالوحدة
كي عاد الوحيد لي فضح الأمم المتحدة
محال يتحاكم لازم يقتلوه راو خطر
على أمريكا أوروبا اسرائيل وقطر
والمسلمين حفظو الميم وتخطي راسي
دارتلهم الجزيرة تنويم مغناطيسي
حايرين وجامي قالو وعلاه تتضرب؟
غير أمة الاسلام.. أمة العرب
اسلام ثوار الناتو عندو معاني أخرى
تكبر وتتعدى جنسيا على الأسرى
صار؟ كيفكا الرسول تاعنا وصى؟
صار كيفكا تتعامل مع الأسرى
ياحمار ما فهمتيش درس عمر المختار
نهار حكم أسير من ايطاليا واش دار؟
وأنت تنكل بجثة لي وكلك وقراك
ياو الحرية بلا اسلام غير امسح باها خراك
كي تقولي قتل الالاف أنت راك مضبع
مسلحين متمردي نشوف و يدي نربع؟
مشها بلاد القدافي ليبيا بلاد الحبيب
ياو عيب تقتل مسلم تحت رايه الصليب
معليش نموت صابر حتى ولو تحت ظلم القدافي
بصح محال نقتل مسلم كيفو كيفي
عزيز قوم ذل.. بالكف يتضرب
شوهتو صورة الاسلام والعرب
وكي تقولي جاهل..لا.. هو علابالو بيك جاهل
علاديكة يخاطب في الجميع بأسلوب ساهل
وكان انتم دركا فقتوا للماسونيين
القدافي هدر عليهم في88
لي قالو صرا يخي شفناه وش تحساب
ماشي تنبؤات الشي لي هدرو كل حساب
ومن الاسباب ..لي خوفت أمريكا والموصاد
حب يزيد الدينار الذهبي للأقتصاد
شوف معايا تخمام نتاع هاد الأنسان حب ينصر الاسلام ويوحد الاوطان
مي خانوه الاعلام وخانوه الجرذان كي قال راني موحال نركع للماريكان
ياخي اقترح مشروع الوحدة في العلن
قالهم ماتساعدناش كل واحد يعيش في وطن
قالهم بترول ليبيا مشو تاع الليبي
قالهم من حق التونسي السوداني و المغريبي
تحية ليك في عيني راك انتصرت تحية ليك في وش درت واش هدرت
تحية ليك في عيني محال خسرت تحية للي ولد في سرت ومات
في سرت تحية لرجال البارود والبندقية تحية لي بات في الخيمة العربية
أوقف تحي.. تحية احترام وافي للقائد الزعيم معمر القدافي.....Karim

أغنية ولا أروع !!!!!! ا
VIVE KARIM EL GANG 1000000000 DE FOIS

شكرا أخي ياسين على الأغنية

لكن يبقى لطفي دوبل كانون هو اسطوووورة الراب العربي ... في رأي الشخصي